沙爹牛肉麵關注組推介！元朗永順食店沙嗲牛麵　特濃沙嗲湯底配蟹王麵／芝士豬扒流心蛋治／西多士

WingWai

打卡熱點

第一次去永順食，雖然牛肉都幾款咁，花多眼亂，跟下大家咁叫先： 炒牛肉、沙嗲牛、蟹王麵 再加一個開心果西多💚 一上枱就明點解啲人要影相📸 沙嗲汁濃、牛肉明顯炒過，開心果西多打卡夠吸睛 如果有得跑步🏃🏻‍♀️完再食，可以試埋芝士流心蛋煎豬扒三文治🥪 嗱～你問我，我又唔覺蟹王麵有咩特別，因為一條友叫唔到另外嘅麵比較，真心問係蟹王麵好食啲？ **下次試吓唔炒，直接沙嗲牛肉同福麵又點先，係咪傳說中大家嘅配搭最正先，定大家有咩推介？ 不過我見豬扒都好吸引，又想食通粉～ 西多嚟講，我平時係牛油🧈糖漿派，今次呢個西心果西多係配煉奶，開心果醬味未算好濃，但勝在多開心果粒～ #繼續香港美食自己搵 #享受天然芳療時光

creamcake25

港式美食

金馬倫道

人氣厚豬扒超惹味🥩港式懷舊美食😋元朗冰室

附近路過時見到 "元朗冰室" 既馳名厚豬扒，就同班朋友入去食下野先，好期待既厚豬扒～ 入到餐廳環境明亮，裝修簡約，地方寬闊，坐得舒服。餐廳主打港式茶餐廳，侍應招待友善，服務一流。 美式餐招牌厚豬扒  $66 依個係美式餐，包括招牌厚豬扒、薯蓉、火腿嫩滑炒蛋、蒜蓉厚多士及餐飲。一上枱見到豬扒已經覺得好厚，好鬆軟，有肉汁，而且調味唔會太過重，果然好味道 ; 配搭火腿炒蛋，蛋味濃且嫩滑，薯蓉口感creamy，以及都幾厚既蒜蓉多士，香脆可口。 奶油脆豬   $32 必點名物 ~ 奶油豬！超大個既奶油脆豬，麵包鬆軟，牛油和煉奶既比例啱啱好，口感帶點煙韌，好脆口。 金牌沙嗲牛肉即食麵   $45 沙嗲牛肉麵係去港式茶記必食既，我都唔例外。揀左雙拼沙嗲牛肉同腸仔，牛肉都幾大片，軟腍唔韌，肉質嫩滑多汁，沙嗲醬汁香濃，揀咗出前一丁(+$3)，配備獨立包裝麻油，即食麵唔會煮得過淋，麵質彈牙有咬口，至於湯底係選用海鮮地魚熬製而成，清香鮮甜，啲湯差唔多飲晒，確係好味既沙嗲牛肉麵。 DOUBLE 厚豬扒飯  $74 呢碟飯既厚豬扒有兩大塊，真係好足料，件件豬扒都好大塊，而且好厚身，入口啖啖肉，米飯粒粒分明，配埋秘製豉油，撈飯一流。 厚豬扒配蓮藕餅飯  $62 好友就點咗厚猪扒配蓮藕餅飯，厚豬扒食落口感十足，肉質嫩滑，配蓮藕餅好夾，蓮藕爽口，中間夾住豬肉餡，煎得香脆唔油膩，呢兩款餸配飯唔錯，個個都讚厚豬扒好食。 焗意式厚豬扒意粉  $62 焗厚豬扒意粉好有驚喜，厚豬扒肉質鮮嫩多汁，面層放上蕃茄、菠蘿、洋蔥，加上芝士同醬汁，好出色既焗豬扒飯，食返原身既味道，連洋蔥都食出有陣甜味，意粉彈性有嚼口，醬汁夠多可以每條都沾上，出色既焗意式厚豬扒意粉。 炸雞髀  $38 雞髀炸至外皮金黃酥脆，肉質嫩滑，裡面有肉汁唔會乾，調味都好入味，唔錯。 金牌沙嗲牛肉包  $34 沙嗲牛肉包已經唔多餐廳會有，所以都想試一試味道。首先沙嗲醬汁好香濃，唔會搶咗牛肉本身味道，牛肉新鮮嫩滑，食落冇渣，麵包鬆軟，口感味道佳。 紅豆冰(+$5)，講到懷舊風味，紅豆冰當然唔少得啦！紅豆煮到起沙，甜度剛剛好，好香濃既椰汁味， 好冰涼，爽呀！檸檬利賓納(+$5)，依杯味道酸酸甜甜，食完飯飲番杯，既解膩又消滯。凍檸檬茶(+$3) 色澤對辦，飲起黎茶味芳郁。凍檸檬水(+$3) 甜到啱啱好，口感fresh。 元朗冰室 地址 : 尖沙咀金馬倫道48號中國保險大廈地下A2號舖 (此文章由U Blog 同步發佈至社群)

Sunshine

打卡熱點

有間茶記响附近

🍴 茶記招牌必試 · 鑊氣滿滿！ ✨

今日同朋友專程過嚟食佢哋嘅招牌菜，叫咗幾款經典茶記美食，樣樣都夠晒鑊氣！ 🍗 瑞士汁雞髀撈丁 $68 雞髀大隻到差啲遮住成個碟！瑞士汁香甜濃郁，撈埋出前一丁麵啱啱好。雞髀煮到好入味，肉質嫩滑，最正係個汁撈勻啲麵，食到最後一啖都仲好夠味。 🧀 芝士焗豬扒飯 $72 焗到金黃色嘅芝士鋪滿成個飯面，一上枱就聞到好香。豬扒厚切又juicy，茄汁炒飯底夠乾身，仲有啲雜豆增加口感。芝士拉絲效果一流，每一啖都食到濃濃芝士香。 🍞 黃金西多士 $48 邪惡度爆燈！厚多士炸到外脆內軟，一切開花生醬即刻湧出嚟。面頭塊牛油慢慢融化，加埋糖漿，甜而不膩。建議兩個人share，一個人食真係太heavy。 ☕ 凍奶茶 $18 茶記靈魂所在！茶底濃滑，奶香夠但唔會太甜，同西多士係絕配。 環境方面，雖然裝修簡單但乾淨企理。午市人多但伙記手腳快，落單後15分鐘就有得食。 特別係個瑞士汁雞髀撈丁同芝士焗豬扒飯，水準好過大型連鎖餐廳，但價錢親民。下次一定會再嚟試佢哋其他招牌菜！ ⏰ 下午茶時段(2:30-6:00)有套餐優惠 🍴 黃金西多士最好趁熱食，凍咗會冇咁好食#糕興過肥年#茶記美食#瑞士汁雞髀撈丁#芝士焗豬扒飯#黃金西多士#凍奶茶#香港茶餐廳 #美食推介