下午茶推介2026｜辦公室外賣Top 8排行榜！Bakehouse/雞翼山/麻糬卷 附HR訂餐貼士

繁忙的辦公室生活中，一份精緻的下午茶（O-Tea）不僅是醫肚的點心，更是支撐大家撐過 OT 的精神支柱。無論是慶祝業績達標、Happy Friday，還是散水餅，如果還在叫悶爆的西多士或連鎖快餐，只會令同事大失所望。選對高質外賣，不單能醫肚，更能讓你的辦公室好感度瞬間爆表！UFood 為大家精選了 2026 年香港辦公室下午茶外賣 Top 8 人氣排行榜，包攬爆餡麻糬、惹味雞翼到傳奇蛋撻，更附上 HR 必讀的零失誤訂餐秘訣！

為何香港辦公室最常訂下午茶外賣？

香港打工仔對辦公室下午茶外賣需求極大，背後原因不外乎幾點：

時間碎片化： 下午 3–5 點係全日最易攰嘅時段，一杯咖啡、一件小食就係最實際嘅「充電方案」，亦係不少公司提升團隊士氣嘅恆常做法。

多人分派要方便： 辦公室人數多，公司下午茶訂購最講求「易拎、易分、唔麻煩」，獨立包裝同埋套餐式外賣因此大受歡迎。

口味要照顧唔同需求： 同事之間飲食習慣各異，少甜、素食、無咖啡因等要求越嚟越普遍，揀選提供多元口味嘅下午茶外賣平台就最穩陣。

---

2026香港辦公室下午茶外賣Top 8人氣排行榜

1）Kama Delivery｜精緻一口派對小食

主打： 種類極多、獨立包裝、適合商務招待。

Kama Delivery 一向係 HR 訂購辦公室下午茶外賣嘅首選品牌，其「一口小食套餐」方便同事一邊工作一邊享用，唔會弄髒鍵盤。2026 年佢哋更加強咗飲品選擇，從手打檸檬茶到奶蓋系列應有盡有，適合各類公司活動、慶功宴同埋團隊聚餐。

推介： 迷你龍蝦包、一口松露撻。

Kama Delivery點單連結

---

2）Tartes & Pop｜法式時尚迷你撻

主打： 高顏值、品牌客製化、法式風味。

想幫公司下午茶活動提升格調？Tartes & Pop 嘅法式甜撻係絕佳選擇。佢哋提供客製化品牌標籤服務，特別適合企業活動、VIP 會議或品牌聯乘下午茶場合。

推介： 海鹽焦糖朱古力撻、季節限定果撻。

Tartes & Pop點單連結

---

3）Bakehouse｜傳奇級酸種蛋撻

主打： 名店效應、酥皮極致、全城熱捧。

由前四季酒店餅廚主理，Bakehouse 嘅蛋撻依然係 2026 年辦公室下午茶嘅「硬通貨」。雖然需要提前預訂，但送抵辦公室嗰一刻，同事嘅歡呼聲絕對值得等待。作為香港人氣蛋撻外賣之選，送禮自用兩相宜。

推介： 酸種蛋撻（Sourdough Egg Tart）。

Bakehouse連結

---

4）The Mochiffon Cake｜爆餡麻糬戚風蛋糕

主打： IG 人氣店、麻糬控必試、口味創新。

呢間網店憑藉「麻糬 + 戚風」嘅雙重口感橫掃各大辦公室。蛋糕輕盈不甜膩，特別適合注重健康嘅同事，亦係近年大熱嘅辦公室生日蛋糕及下午茶甜品外賣之選。

推介： 泰式奶茶麻糬卷、宇治抹茶戚風。

The Mochiffon Cake點單連結

---

5）萬波｜手工珍珠波霸飲品

主打： 台式手工珍珠、口味選擇多、團體訂購夠晒氣氛。

萬波以即日手工製作嘅珍珠聞名，粒粒煙韌有嚼勁，係辦公室下午茶飲品嘅人氣擔當。無論係經典黑糖珍珠鮮奶，定係水果茶系列，都能滿足唔同口味嘅同事。公司團體訂購仲可以每人揀唔同口味，唔使就住其他人，HR 落單都輕鬆。

推介： 黑糖珍珠鮮奶、手工芋圓仙草系列。

 

萬波連結

---

6）Grandma's Scones｜爆餡麻糬司康 (Scone) 

主打： IG 人氣店、多款口味、麻糬夾心。

呢間喺 IG 極紅嘅 Scone 店，最正係佢哋唔係乾巴巴嗰種，而係中間夾咗超拉絲嘅麻糬！佢哋有提供大盒裝嘅迷你版或者正常版，口味由焙茶、小山園抹茶到鹹蛋黃都有。成盒打開，同事一人一件，配埋茶簡直係神級享受！

必試推介： 焙茶麻糬 Scone、鹹蛋黃肉鬆味

Grandma's Scones點單連結

---

7）LamLamLi Bakery ｜平民版千層蛋糕 + 爆漿戚風 

主打： 性價比高、口味親民、觀塘起家名店。
唔食 Lady M？呢間太子起家嘅 IG 鋪就係平民版首選！除有招牌抹茶流心口味之外，還有朱古力流心、伯爵茶、Tiramisu、開心果等口味。店舖還有賣抹茶巴斯克芝士蛋糕及芝士奶蓋抹茶卷蛋等甜品，價錢只係名店嘅一半，但層次感絕對唔輸蝕。最啱 Admin 大量訂購，等全公司同事一人一件都唔肉赤！

必試推介： 伯爵茶千層蛋糕、巴斯克芝士蛋糕

LamLamLi Bakery 點單連結

---

8）雞翼山 (Chicken Wings Mountain)｜全港最強味覺雞翼拼盤

主打： 鹹點首選、口味多元、派對分享最啱。
下晝 3 點幾想食鹹嘢？呢間由 IG 爆紅到開分店嘅雞翼專門店就係救星！佢哋嘅雞翼拼盤口味超級多，由「玫瑰青檸」到「文藝鹹蛋黃」都有。一盤盤雞翼送入 Office，香氣十足，絕對係 Happy Friday 提神嘅最強選擇！

必試推介： 鼠尾草鹹蛋黃雞翼、玫瑰青檸味

 

雞翼山連結

---

辦公室下午茶外賣訂購貼士（HR 必讀）

先問清人數同預算： 一般辦公室下午茶人均預算約 HKD 30–60，視乎食物種類同品牌而定，提早確認可以避免超支。

飲品落單記得收集「甜度冰量」： 特別係訂購珍珠奶茶或手調飲品時，事先用 Google Form 或群組接龍統計，避免落單出錯。

鹹甜比例建議 6:4： 根據經驗，香港 office 普遍偏好鹹食多過甜食，鹹甜搭配嘅下午茶套餐更容易獲得全體好評。

記得準備餐具紙巾： Pizza、炸物、甜品等尤其需要，部分下午茶外賣供應商會附送，落單前記得確認。

 

更多精選文章：

【召集手搖控】香港10大茶飲店推介 台灣過江龍/手搖界Hermès/無限添加芝士奶蓋 | U Food

逾10間深水埗美食推介｜深水埗餐廳／米芝蓮車仔麵／手工餃子／卷蛋Cafe／梳乎厘班戟 | U Food

全球十大即食麵排行榜！5160款麵實測：營多僅排第9／冠軍竟然係佢！ | U Food

 

資料來源：FB: @Kama Delivery by Master Kama @Tartes & Pop @bakehousehk @Chicken Wings Mountain 雞翼山  @萬波  @grandma's scones @The Mochiffon Cake  IG: @LamLamLi Bakery

文：陳安然