拉麵迷注意啦～日本拉麵店「橫濱家系町田商店」於香港開設首間分店，選址啟德AIRSIDE商場。町田商店主打豬骨醬油拉麵，是日本第二大的連鎖拉麵店，目前於全球有逾800間分店，必試餐點包括橫濱終極MAX拉麵、豚骨沾麵、鰻魚丼、和牛卷。值得一提的是香港啟德店特別融合了咖啡文化，大家可以同時到旁邊的寵物友善Cafe嘆咖啡，以及享受日本直送甜食輕食。
<<按細圖查看橫濱家系町田商店Menu>>
同場加映：U Food【簡易廚房】最新影片！
1974年創立，始於神奈川縣橫濱市的日本第二大拉麵店「橫濱家系町田商店」將在啟德AIRSIDE商場開幕，品牌截至目前全球已有逾800間分店，遍佈日本、台灣、菲律賓、美國、越南、柬埔寨、馬來西亞，今次首度進駐香港，繼續主打豬骨醬油拉麵。
町田商店啟德店空間闊落，室內設計用上主題紅色為主色，整體時尚有格調，有種走進日本大眾酒場的感覺。
6款拉麵之中必試橫濱終極MAX拉麵，湯頭以豬骨湯及醬油雞湯混合而成，質地細滑濃厚，可以自選搭配麵條的粗幼度，其中特別推介中間厚度麵條，麵質有嚼勁，而且掛湯能力十足！配料方面，有3塊巨大叉燒，即使疊在一起也幾乎覆蓋整碗拉麵，肉質亦相當軟嫩。此外，除了糖心蛋，拉麵還附有1粒鵪鶉蛋，非常特別呢～
黑蒜油擁躉就可以試試斑馬大蒜牛油拉麵，湯頭帶明顯的牛油和黑蒜油咸香，濃郁但不滯膩。小編就私心推介豚骨沾麵，沾麵的湯汁非常杰身，鰹魚味突出，內附兩塊爽脆的厚切竹筍和豚肉碎。另有還有辣味噌拉麵、辣韭菜拉麵、極品叉燒拉麵。
無飯不歡朋友可以考慮叉燒丼和鰻魚丼，前者叉燒惹味，後者鰻魚帶炭火焦香，送飯一流！壽司卷物也有和牛卷選擇，和牛油脂豐富，青瓜餡料亦令口感層次更豐富呢～
拉麵店同時供應多款酒品，例如生啤、威士忌梳打，更可以再加點外脆內嫩的唐揚炸雞、餃子等小食送酒。
町田商店的日本店不時會與酒吧、居酒屋合作，而香港的首間分店則融合了咖啡文化，用餐區與寵物友善Cafe打通，大家可以一邊嘆咖啡，一邊享受日本直送甜食輕食，例如焙茶泡芙、甜薯泡芙、生朱古力草莓焦脆泡芙、焦糖鮮忌廉牛角包等。
橫濱家系町田商店香港
地址：啟德協調道2號AIRSIDE地下G011號舖
開幕期：2024年6月15日開始試業（6月16日正式對外開放）
營業時間：每日中午12時至晚上10時
延伸閱讀
人氣餐廳排名
-
日式料理
Machida Shoten (Airside)
🍜啟德日式拉麵大滿足
今日同朋友去咗啟德搵食,撞正一間日式拉麵店,食完真係要寫低! 橫浜終極MAX拉麵(幼麵) 湯底超濃郁,豚骨香味爆棚,飲完唔會口乾,夠晒誠意! 🍜 幼麵掛湯力十足,唔會太腍,口感啱啱好~ 叉燒厚切又入味,肥瘦比例完美,咬落去有幸福感💖 🥚 半熟蛋流心靚,鹵得好入味~ 鰻魚丼 鰻魚燒得香口,岩好醬汁,甜甜地好開胃 🍚 白飯粒粒分明,吸晒鰻魚汁,食到最後都唔會漏! 環境又舒服,啱晒朋友聚餐~ 🏷️ 橫濱家系町田商店 (九龍城) 📍 九龍城啟德協調道2號AIRSIDE地下G011號舖 #町圍商店#拉麵#日本料理#橫濱家系#啟德美食#airside#香港好去處#日本正宗拉麵#日本過江龍拉麵#餃子#香港美食#香港#美食推薦#美食#食好西#打卡#食好西系列#分享美食#美食日記#美食分享
閱讀更多
-
香港攻略
AIRSIDE
試食啟德新開拉麵店～未開門就要排隊…
今日諗住去airside食太二,點知見到間拉麵店新開咗無幾耐,咁就去試吓,未開門就已經有人排隊了,排得隊可能都幾出名,咪上網search 吓囉… 原來係日本第二大的連鎖拉麵店! 唔知係唔係岩岩開嘅關係,仲有啲食物未有供應!原本係想食飯,最後叫咗沾麵! Order 橫浜終極MAX拉麵$118 豚骨沾麵$118 唐揚炸雞$30/3件 人均價格:$130 評分:⭐️⭐️(五⭐️最高) 🎈:橫濱家系町田商店 地址:九龍城啟德協調道2號AIRSIDE地下G011號舖 如何前往:港鐵啟德站c出口 以上純粹個人感受及分享 #拉麵#日本
閱讀更多
-
歐洲
Goemon Ramen Bar
『英國』Brighton｜🍜必食拉麵！正宗日式風味😋
· 🍜 Goemon Ramen Bar 📍 50 Gardner St, Brighton and Hove, Brighton BN1 1UN 到Brighton遊走,不可錯過這間拉麵店 - Goemon Ramen Bar,由兩位日本人開設,非常受歡迎,開飯時間需要等位,不過都值得! 拉麵店有上下兩層,格局跟氣氛都比較輕鬆隨意,加上顏值高的店員,視覺上已經滿分😆 拉麵選擇包括:Tonkotsu豚骨拉麵､Chicken Bone Broth雞湯拉麵､味噌拉麵､醬油拉麵等,亦提供素食的Soymilk拉麵､Veggie Miso拉麵,不過之後先發現有:沾!麵!🥲 Tonkotsu湯底熬得濃郁又不油膩,味道夠地道,加上黑蒜油好有日本食到嘅風味,好味;醬油是雞湯湯底,香味突出又不會過鹹,不錯｡喜歡濃味的建議選擇Tonkotsu｡粗麵幼麵麵身都彈牙,忍不住要追加麵底! 拉麵配料大致有:叉燒､味付蛋､蔥花､筍､海帶､芽菜等｡ 豚肉叉燒唔係厚切,但入口柔軟香口;雞肉叉燒肉嫩滑,完全唔似雞肉,一啲都唔嚡!味付蛋亦夠入味｡ 另外點了碟餃子,雖然冰花效果未算完美,不過外皮煎到金黃微脆,咬落多汁又唔油,一碟好快掃清! Goemon是在英國食過最好味拉麵其中之一,想食正宗拉麵,Brighton呢間值得推介! * * #goemonramen #brighton #英國 #拉麵 #我的打卡地圖 #ucreator #travelwithucreator #旅行美食 #旅行打卡
閱讀更多
