如果去尖沙咀掃街絕不能錯過這間創意小食店「餓媽家姐」，由曾經任職中、西、酒店、茶餐廳的豐富經驗廚師主理，提供超過數十款特色小食，包括沙嗲牛炒腸粉、手工漢堡、脆炸魷魚鬚、特厚玉子燒、鹹蛋黃炸燒賣、韓式魚糕湯等等，選擇多多，總有一款啱心水！
同場加映：【簡易廚房】最新影片
Click圖睇「餓媽家姐」部分Menu：
「餓媽家姐」提供多款種類的創意小食，其中皇牌炒腸粉系列好受歡迎，其中XO醬羊肉炒腸粉（$56）位居Top1，味道微辛，羊肉口感緊實，食落好惹味。沙嗲牛肉炒腸粉（$42）、日式鰻魚炒腸粉（$58）、韓式泡菜炒腸粉等同樣鑊氣十足！
想食Burger更可以自行發辦選擇配料，即叫即製保證熱辣辣，有安格斯漢堡扒、黑毛豬、雞扒、玉子燒、菠蘿、煙肉、芝士等選擇，自由搭配心水口味。
炸物小食選擇多多，必試炸燒賣，更可以搭配流沙鹹蛋黃醬，絕對邪惡！芝士薯波（$33）、單骨雞翼（$38）、炸魷魚鬚、炸蠔等都是掃街好選擇~
餓媽家姐
地址：尖沙咀加拿芬道45-47號宏生大廈地下D2號舖
營業時間：星期日至四13:00-23:30；星期五至六13:00-00:00
電話：66060313
圖片來源：IG@ohmumsister , relax.with.nono , @voracious.foodie
飲食熱話
-
港式美食
周記燒賣，必食炸燒賣，新鮮即炸等五分鐘， 脆口，配周記辣油好正！ 燒賣係手打燒賣，同一般唔同，口感一流！ #懶人養生最佳伴侶
閱讀更多
-
港式美食
旺角
【旺角】九記竟然開了第一間小食店😆
九記我相信大家都一啲都唔陌生,他們的魚蛋是獨有用吞拿魚蓉製作,所以食落去比一般魚蛋,更加爽口彈牙,再加上他們是在香港本地製作,所以之前經開旺角見到佢哋開咗小食店,即刻去試吓 招牌魚蛋王,入口彈牙爽脆,就算沒有什麼調味也非常出色,會帶淡淡魚鮮回甘 燒賣亦是他們出色之作,食落軟糯,而且唔會蒸得太耐導致皮身變乾 他們除了招牌的魚蛋王,魚肉燒賣之外,他們還有特別的蟹黃蟹粉碗仔翅,顏色呈濃郁嘅金橙色,入口是滿滿的蟹粉鮮味,而且份量好足 他們的炸燒賣,非常有驚喜,外皮炸得金黃酥脆,咬下咔嚓作響,內裡依舊非常軟糯,如果食厭平時嘅蒸燒賣,呢一個炸燒賣會有一個驚喜俾到你 炸牛丸 他們的炸物同樣非常出色,尤其個牛丸,食落肉質緊實彈牙,而且牛肉香濃 ✨整體來講,他們的食物質素一直都保持得很好,所以好多時屋企都會買定一兩包他們的燒賣或者魚蛋在家,所以就算在旺角這樣小食眾多的地方,他們也會是我的第一選擇 📍九記魚蛋王 地址💬:旺角弼街49號A #UCreatorHK#BESTFOODwithUCreator#香港美食#港島美食#九龍美食#香港隱世美食#香港地道美食#打卡美食{{hket:campaign display="美食遊樂盛宴"}}{{/hket:campaign}}
閱讀更多
-
港式美食
杏花新城
【🌻杏花新城|🍜阿荔麵檔|🦑懷舊經典40年】
【🌻杏花新城|🍜阿荔麵檔|🦑懷舊經典40年】 ✴️特濃沙嗲沾麵 日或沾麵食得多,今次食港式,又幾過癮,麵質幾爽口彈牙,無過多鹼水味,配入沙嗲湯底中多少由自己控制,自主性強,而且啱晒夏天,無湯麵咁熱｡ ✴️古早黑糖豬手雞翼麻辣撈麵 豬手切成丁方,好適合女士進食,豬手炆得好腍,豬皮軟身又入味,骨膠原感覺滿滿｡ 滷水雞翼,非常之入味,甜甜嘅滷水汁,童年回憶返晒嚟｡ 麵有辣油,辣度不能睇小!唔怕辣嘅朋友更可以加入枱面嘅辣菜莆｡ ✴️黑松露醬炸單骨雞翼配炸燒賣 雞翼外皮炸得酥脆,單骨好易食,勉卻了雙骨雞翼的麻煩｡ ✴️惹味沙嗲三寶 水魷+魚蛋+豬皮,懷舊風十足,水魷好彈牙｡ ✴️冷泡白桃烏龍茶 白桃味幾香,烏龍茶好解渴 ✴️凍豆漿 豆味香濃大大枝裝,豆漿很解辣 🍜阿荔麵檔 📍柴灣杏花邨杏花新城G53B 🚇杏花邨地鐵站 #香港#杏花邨#杏花新城#阿荔麵檔#UCreatorHK#BESTFOODwithUCreator#港島美食#香港隱世美食#香港地道美食
閱讀更多
