尖沙咀新開馬來西亞餐廳「安娣瑪萊 Auntie MALAY」由大馬主廚主理，主打正宗馬來西亞菜，推薦海南雞鑊仔飯、酸辣大蝦奄列、班蘭咖椰多士等。餐廳設計用色大膽而且有南洋風格的花磚、五彩玻璃等裝飾，到處都是打卡位～12月18日起更設新張優惠，可以$1享用秘製脆雞，大家不妨一試呀～
同場加映：U Food【廚具大發現】最新影片！
尖沙咀馬來西亞餐廳「安娣瑪萊 Auntie MALAY」12月上旬開業，主打正宗馬來西亞菜式，用餐區設計以殖民地時期的娘惹宅院為靈感，用色絢麗大膽，加上南洋風格的花磚、五彩玻璃、布藝及亞熱帶植物，別具異國風情。此外餐廳的靠窗座位更可以欣賞維港景色，相信約會打卡都非常合適～
餐龐由馬來西亞土生土長的主廚Wee Hor Han主理，他曾於浮羅交怡 St. Regis 米芝蓮一星法國餐廳 L’Orangerie 和馬爾代夫 Four Seasons 擔任主廚，及後於香港賽馬會掌管東南亞菜廚房，入廚經驗相當豐富。
*按細圖查看Menu
必食海南雞鑊仔飯（$368），鑊仔飯上桌時有塊鋪滿蔥薑蒜、班蘭與香茅的竹網，店員會即席取走竹網，再加入蔥油及醬油，拌勻後才下雞件。雞油飯滿佈牡丹蝦乾、芋頭及臘味粒，雞件相當嫩滑，鑊邊亦有焦脆的飯焦，附帶的沾醬也風味十足。
班蘭咖椰多士（$58）都值得一試，多士外脆內軟熟，夾心醬椰子香氣濃郁，甜而不膩。還有亞參酸辣大蝦奄列（$158），味道酸酸辣辣，奄列蛋「滑嘟嘟」而且幾「索汁」，其餘的大蝦、青口、魷魚亦鮮味彈牙。
小編就歡喜仁當牛面頰肉配燒肉鬆糯米飯卷（$268）和焦糖脆魚皮（$88），牛面頰肉的肉質雖似牛腩，但多了種牛腩沒有的膠質，而且非常入味，搭配的糯米飯卷像粢飯，卻如麻糬般看不見飯粒，幾特別～脆魚皮則是甜辣口味的，加上檸檬葉、青檸葉和開心果碎，層次幾豐富。
甜品可以考慮薑汁焦糖布丁（ $88）和娘惹七彩香蘭糕（$68），布丁蛋香十足而且偏甜，螞蟻人狂喜；香蘭糕幾軟糯，不同款式亦各有特色，比如綠色的是班蘭口味、黑白相間的是芝麻口味，精緻賣相亦超打卡able！
餐廳提供茶茗—荔枝古樹紅茶（茶芥每位$8），大家亦可以加點飲品，小編就試了菠蘿熱情果沙冰（$68）和班蘭紅豆冰（$68），皆別具東南亞特色。
餐廳近日推出新張快閃優惠，12月18至22日期間，凡晚市惠顧，即可以$1享用Auntie秘製脆雞（原價$238），優惠每晚限30份，售完即止。
*按細圖查看Auntie秘製脆雞＋更多菜式
安娣瑪萊 Auntie MALAY
地址：尖沙咀廣東道3-27號海港城海運大廈地下G16號舖
營業時間：每日上午11時半至晚上9時半
電話：2110 3533
人氣餐廳排名
內容標籤
-
打卡熱點
🌹Auntie MALAY安娣瑪萊🌹 位於尖沙咀海港城的「Auntie MALAY安娣瑪萊」，坐擁無敵維港景致，落地玻璃透入自然光，夜晚更可欣賞幻彩詠香江，環境舒適得嚟充滿南洋風情。餐廳色彩絢麗，融入不少南洋風情、五彩玻璃及布藝，絕對散發不少溫馨別緻既異國情調😘 茶芥：荔枝紅茶🥤 好別緻的一壺茶，茶味濃郁，當入口時能散發荔枝清香味道，絕對不錯😌 瑪萊沙嗲🐖 沙嗲串可以選擇雞肉或豬肉，小妹今次擇豬肉，一共三串，豬肉肉質嫩滑，配上沙嗲醬，非常惹味，口感豐富🤭 斑蘭咖椰多士🥪 呢款甜品相當特別，多士烘至脆身，加上每塊都好薄，中間仲有勁多斑蘭忌廉醬，超級creamy，超足料，甜度適中，絕對必食推介🤗 少爺海南雞飯🐓🍚 每嚿海南雞嫩滑多汁，份量不少，用黎送飯一流👍🏻 香茅椰糖烤雞全翼🐓 有兩隻烤雞全翼，好大隻；餐廳控制火候剛好，加上用竹籤串住，非常方便食用🥳 星洲胡椒肉骨茶🐖 上枱時，仍繼續烘熱，非常貼心。肉骨茶鹹中帶少少胡椒香味。一字排及豆卜好入味，食完仲可以飲埋湯😋 上湯蝦米肉末浸娃娃菜🥬 湯底非常鮮甜，且唔會太鹹，菜味新鮮，正🙌 香草青檸汁蒸原隻釀魷魚🦑 呢款食物非常特別，利用魷魚筒切件，中間釀滿豐富豬肉餡，爽嫩不韌。加上不少青檸汁配搭，味道酸香，鹹鮮帶辣，充滿東南亞風情😼 手標牌正宗泰式奶茶☕️ 濃郁絲滑嘅正宗泰式奶茶，甜味濃郁；細細杯份量剛好🫶🏻 荔枝玫瑰梳打🥤 顏色好靚，當中更有不少玫瑰花碎，感受到浪漫氣氛包圍，亦飲到清甜荔枝香味😽 餐廳環境裝修雅致，食物有質素，用餐環境好舒服，絕對值得再去🥳。 #中秋Q彈時刻
閱讀更多
-
星馬菜
Auntie MALAY
安娣瑪萊（尖沙咀海港城）
小妹今晚同豬去咗海港城行街,順便去｢海運大廈｣搵野食,見到有間主打馬拉菜｢安娣瑪萊 ｣,門面相當吸引,充滿南洋風情😁先見到巨型鳥籠沙發及亞熱帶植物,另一邊更可望到維港景色,相當吸引及很有舒適感｡餐廳色彩絢麗,融入不少南洋風情､五彩玻璃及布藝,絕對散發不少溫馨別緻既異國情調😘 環境::🌟🌟🌟🌟🌟 茶芥:荔枝紅茶🥤 好別緻的一壺茶,茶味濃郁,當入口時能散發荔枝清香味道,絕對不錯😌 瑪萊沙嗲🐖 沙嗲串可以選擇雞肉或豬肉,小妹今次擇豬肉,一共三串,豬肉肉質嫩滑,配上沙嗲醬,非常惹味,口感豐富🤭 斑蘭咖椰多士🥪 呢款甜品相當特別,多士烘至脆身,加上每塊都好薄,中間仲有勁多斑蘭忌廉醬,超級creamy,超足料,甜度適中,絕對必食推介🤗 少爺海南雞飯🐓🍚 每嚿海南雞嫩滑多汁,份量不少,用黎送飯一流👍🏻 香茅椰糖烤雞全翼🐓 有兩隻烤雞全翼,好大隻;餐廳控制火候剛好,加上用竹籤串住,非常方便食用🥳 星洲胡椒肉骨茶🐖 上枱時,仍繼續烘熱,非常貼心｡肉骨茶鹹中帶少少胡椒香味｡一字排及豆卜好入味,食完仲可以飲埋湯😋 上湯蝦米肉末浸娃娃菜🥬 湯底非常鮮甜,且唔會太鹹,菜味新鮮,正🙌 香草青檸汁蒸原隻釀魷魚🦑 呢款食物非常特別,利用魷魚筒切件,中間釀滿豐富豬肉餡,爽嫩不韌｡加上不少青檸汁配搭,味道酸香,鹹鮮帶辣,充滿東南亞風情😼 手標牌正宗泰式奶茶☕️ 濃郁絲滑嘅正宗泰式奶茶,甜味濃郁;細細杯份量剛好🫶🏻 荔枝玫瑰梳打🥤 顏色好靚,當中更有不少玫瑰花碎,感受到浪漫氣氛包圍,亦飲到清甜荔枝香味😽 質素:🌟🌟🌟🌟🌟 呢間餐廳可以望到維港海景,真係正｡加上平日晚市2人餐都只係$388,性價高,餐廳環境裝修靚及有質素,用餐環境好舒服,絕對值得再去｡ 價錢:🌟🌟🌟🌟🌟 ————shop info———— 📍 安娣瑪萊 🔍 尖沙咀廣東道3-27號海港城海運大廈地下G16號舖 ——————————— #hongkongfood#hongkongfoodie#安娣瑪萊 #尖沙咀#海港城#UCreatorHK#BESTFOODwithUCreator#TRAVELwithUCreator#新加坡#新加坡必食#新加坡美食#馬來西亞#馬來西亞必食#馬來西亞美食
閱讀更多
-
星馬菜
Auntie MALAY
尖沙咀 | 海景星馬泰菜餐廳
餐廳主打星馬泰菜 有多款特色主食 亦有套餐可選擇 價錢合理但伴有海景 性價比高 ⍢ 香茅椰糖烤雞全翼 雞翼帶有淡淡香茅味 外皮香脆 雞肉滑嫩 非常惹味 小食重點推介~ 瑪萊沙嗲雞串燒 雞肉燒得嫩滑 充滿濃郁沙嗲醬 亦同時帶點花生味 星洲胡椒肉骨茶 肉骨茶夠熱 湯底藥材味不重 偏向重胡椒味 豬肉可一口咬開 同時有豆卜等等 少爺海南雞飯 海南雞肉質滑嫩 雞皮亦不油膩 蘸上黑醬油 辣椒醬及薑蓉更惹味 油飯方面飯粒適中 推介! 森巴蝦仁通菜 通菜爽脆 入口微辣 香草青檸汁蒸原隻釀魷魚 魷魚非常彈牙 包裹豬肉 洋蔥等入口層次豐富 再加上用青檸汁點綴 酸酸的挺開胃 斑蘭咖椰多士 多士香脆 入口充滿斑蘭香味 中間亦有少量牛油 好吃!! 值得點來試試~ 手標正宗泰式奶茶 荔枝玫瑰梳打 ⧐ 𝙍𝙚𝙘𝙤𝙢𝙢𝙚𝙣𝙙𝙖𝙩𝙞𝙤𝙣:♡♡♡♡/5 ⧐ 安娣瑪萊 📍尖沙咀廣東道3-27號海港城海運大廈地下G16號舖 ##UCreatorHK#BESTFOODwithUCreator#香港美食#香港好去處#安娣瑪萊#星馬泰菜#海港城
閱讀更多
