稻菊 名店抵食櫻花餐

師傅以鹽漬櫻花入饌，像海膽左口魚櫻葉天婦羅，用經過鹽藏的櫻葉包裹海膽和左口魚，做成卷物炸香，外脆內鮮味，不加海鹽調味，已帶豐富鹹香。

另一道櫻花鹽焗帆立貝，同樣借助鹽漬櫻花來提味，將櫻花鹽漬放上在帆立貝上面，再用兩塊櫻葉底面蓋住鹽焗，讓帆立貝吸收鹽和櫻花香，食落帶微微花香、鹹香，味道很有層次。

Menu 也有用到不少春日時令魚鮮配櫻花，例如櫻花鯛、赤鯥魚、白蝦等等，當中赤鯥魚更用來熬清湯，再用櫻葉包裹住魚肉品嘗，大大提升了魚肉的清香，若嫌 full set menu 太多，也可以在 a la carte menu 散叫以上部分菜式，淺嘗一下櫻花菜的獨特風味。

櫻花豆腐配竹筍蟹肉味噌醬豆腐混入櫻花葉做成粉紅色，裏面捲竹筍、蟹肉和沙律菜，後者帶淡淡的山葵味，加上豆腐頂層的蟹膏味噌醬，大大豐富了豆腐的味道。

稻菊
地址：尖沙咀東部麼地道 69 號帝苑酒店 1 樓
電話：2733 2933
營業時間：12nn - 3pm、6pm - 11pm
收費：現金及信用卡，設加一

相關報導：
OMAKASE 櫻之料理