端午糭︱端午節糭︱端午節食糭｜端午節前後，家裡總少不免囤積了各式各樣的糭子，食糭簡單，但翻熱糭方法你又識唔識？相信很多人會貪快放入微波爐叮，但糯米變得又乾又硬；蒸急凍糭時又常拿捏錯時間，咬開驚見外熱內凍夾生飯。想將糭子完美翻熱，還原軟糯煙韌的口感？UFOOD小編為大家整理了蒸、烚、叮3大翻熱糭貼士和黃金時間表，保證零失敗食到香糯美味糭子！
端午節蒸/烚/叮糭貼士
翻熱糭方法︱冷凍粽子可以直接蒸嗎？
蒸糭是最多香港家庭採用的方法，冷凍糭子可以直接蒸，無需提前解凍，只需將其直接放入蒸鍋內，用大火蒸20至30分鐘至內餡完全熟透，即可品嚐到軟糯如初的美味。但想糭子蒸得通透、不夾生，首先要分清糭的狀態︰
蒸糭貼士｜1. 新鮮糭︰未經冷藏、街市即買款
一般放入蒸鍋，水滾後用大火蒸大約45分鐘至1小時就夠。不過，如果隻糭包得特別紮實、餡料豐富，或者size較大（例如傳統裹蒸糭），建議預留1小時至1.5小時，確保內外均勻熟透。
蒸糭貼士｜2. 冷藏裝或急凍糭︰超市買款
蒸煮時間要大為延長，急凍糭建議至少蒸90分鐘才會熟透！好多人大意以為叮幾分鐘就得，結果咬開入面啲糯米仲係生、餡料凍冰冰。
正確做法是將急凍糭直接放入蒸鍋，水滾後計時，中途可以反轉1次，或用筷子輕輕戳入糭身檢查中心是否已軟熟。
蒸糭貼士｜3. 鹼水糭︰梘水糭
因為無肉類餡料，做法簡單得多，一般翻熱蒸15至20分鐘已經足夠。重點是切忌蒸太耐，否則糯米會變得過腍，失去應有的煙韌口感。
翻熱糭方法︱如何烚糭？
烚（水煮）亦是傳統翻熱糭子的方法，熱力經由水均勻傳遞，比蒸更容易令糭心熟透，尤其適合體積大、餡料豐富的裹蒸糭，更可一次過處理多隻！但同樣，烚糭都有3大學問，大家烚糭時要多加留意啦！
烚糭3大貼士
- 水必須完全蓋過糭面︰先開大火煮至水滾，然後轉中小火繼續烚
- 善用工具縮短時間︰如果使用真空煲或高速煲，時間可大幅縮短，例如用真空煲，先煮滾後放入外殼焗1.5小時，拎出來再煮滾一次，再焗1.5小時，糭就會非常軟綿，而且更慳火候
- 加鹽加滾水︰有經驗的師傅則建議烚糭時在水中加少許鹽或油，有助保持糭葉柔韌，避免葉片破損。另外，過程中如果水變少，一定要加入滾水，千祈唔好加凍水，否則會影響溫度穩定
翻熱糭方法︱糭可以用微波爐叮嗎？
對於返工忙、趕時間的香港人嚟講，用微波爐「叮」糭是最快的選擇，一般7至10分鐘就搞掂，比蒸快接近四倍！不過直接放入微波爐，九成機會會叮到又乾又硬。想解決叮糭「叮硬」問題，可使用以下2個實測方法︰
叮糭貼士︱叮糭方法1. 濕紙巾包裹法
取2至3張廚房紙巾，徹底索滿水，然後緊密包裹糭的表面（連葉），再放入微波爐以大火加熱。一般size的鹹肉糭約叮5分鐘；大大隻的裹蒸糭要叮7至8分鐘；鹼水糭體積較細，可縮短至3至4分鐘。紙巾在加熱過程中會產生蒸氣，令糭身保持濕潤。
叮糭貼士︱叮糭方法2. 加水碗蒸法
將糭放入微波爐專用的深碗中，加入約半碗至一碗清水（水位大約浸到糭身一半），然後放入微波爐以大火加熱7至8分鐘。碗內的水會被加熱成滾水，以蒸氣形式包圍糭隻，達到類似蒸煮的效果。
食安中心教安全叮糭方法
叮糭雖然快捷，不過根據香港食物安全中心及機電工程署的指引，使用微波爐翻熱糭時，有幾個安全細節必須留意：
安全叮糭4注意
- 檢查包裹繩︰糭葉本身不含金屬，但部分糭的包裹繩可能含有金屬絲或金屬色塗層。帶金屬的物件會反射微波，可能產生火花（電弧效應）並損壞微波爐
- 選用合適容器︰建議使用微波爐專用容器，例如PP（聚丙烯，標籤上三角形回收碼為5號）材質的塑膠容器，或玻璃、陶瓷器皿。一次性發泡膠容器、普通保鮮紙或蠟紙未必適合高溫加熱
- 保鮮紙留空隙︰如果使用保鮮紙覆蓋，應在碟邊留一角讓蒸氣排出。高脂或高糖食物加熱時，保鮮紙與食物之間要留空間，以免保鮮紙熔化
- 提防突沸燙傷︰加熱後的碗碟溫度極高，取出時要戴隔熱手套，尤其是「加水碗蒸法」那一碗水，加熱後表面看似平靜，但實際溫度已超過100°C，攪動或碰撞時有機會突然沸騰濺出，造成燙傷
粽子室溫/冷藏可以放多久？食環署教4大指引
現在香港天氣酷熱，擺放糭都需要小心變質。如果室溫存放，一般建議24小時內要食完，食剩的糭必須妥善處理，而食物環境衛生署亦向大家作出以下提示︰
粽子常溫/冷藏保存貼士
- 短暫保存（1至2日內食用）︰放入雪櫃冷藏格（約 4°C），但注意即將食用的糭最好避免放入冰格，因急凍會改變糯米結構，復熱後口感明顯變差；已煮熟的糭應放上格，生肉等生食放下格，避免交叉污染
- 長期保存（超過2日）︰放入冰格（-18°C以下）最穩妥，建議先用保鮮紙或密實袋「逐隻獨立包好」，避免接觸空氣導致表面結霜及糭葉風乾脆裂
- 真空包裝糭需注意︰真空屬無氧環境，若儲存溫度不當，可能讓肉毒桿菌孢子繁殖，必須嚴格按照包裝標示溫度儲存
- 解凍貼士︰從冰格取出後，建議放雪櫃冷藏格慢速解凍4至6小時，或連袋浸水15至20分鐘快速解凍，然後再翻熱，可避免「外熱內凍」
點揀最好裹蒸粽/鹹肉粽/梘水粽？
除了翻熱方法，揀啱糭都可以令你少走好多冤枉路，食物環境衛生署提醒消費者買糭時記得留意以下4點︰
揀糭防伏4大貼士
- 睇包裝及氣味︰真空包裝應檢查有無漏氣或脹包；新鮮糭應細聞有無酸味或異味
- 睇糭葉顏色︰優質糭葉呈天然深綠色或啡綠色，帶淡淡竹葉清香。若顏色「異常青綠」或帶有化學氣味，可能經人工化學劑處理，切勿購買
- 睇重量手感︰足料的糭手感紮實，輕搖時不會聽到內部有鬆散的聲音
- 分清食用期限︰「此日期前最佳」 關乎品質，過期後仍可安全食用，但風味會下降；「此日期或之前食用」關乎食物安全，過期後切勿食用！
註：以上資料只供參考，有任何疑問建議諮詢專業人士。
相關文章︰
-
節日限定
深水埗
端午節的來臨
端午節即將來臨,於是去了一間連鎖小型漢堡的店買了兩隻花生糭來吃, $48兩隻尚算可以接受,味道方面還算不錯,只是感覺糯米可以更加軟一些,週末期間在深水埗附近逛逛繼續拍攝的工作,鐵閘上的藝術令我停留了少許時間,還叫了一個$24外賣乾炒牛河配一杯檸檬水,價錢相當經濟｡#打卡美食少不了歷史建築物雷生春的點滴,我自己對中醫亦有一點的研究｡ #夏日雙重賞
閱讀更多
-
節日限定
海之戀
香港/端午限定！Donki Donki急凍糭大激賞🌟
Donki Donki又有新意思啦!今個端午節,同你一齊溫馨迎節~😍🎉 端午節點可以冇糭食?Donki Donki特別推出全新急凍糭,拎出雪箱即刻蒸熱就食得,認真方便到飛起~要返公司應付突如其來嘅應節食慾,定係staycation一班人分甘同味都冇問題! 🚩【早鳥優惠】而家早鳥價低至$18,真係抵到笑~大細size齊備:有一人自肥版100克,也有足料分享裝550克~一家大細都啱曬! 🍴 口味選擇多到爆,咸甜你想點都得!推介必試: - 四寶裹蒸糭(餡料超豐富) - 金玉滿堂裹蒸糭(過節必選!) - 七星裹蒸糭(每啖都充滿驚喜) - 栗子裹蒸糭(栗子控必食) 全部用日本頂級米+嚴選優質材料,兼且香港製造,保證品質!想食都唔洗等,隨時拎出嚟蒸下就得~真係啱曬忙碌都市人~ 快啲趁住優惠,去Donki Donki買返幾隻返屋企啦!過個有滋味嘅端午節~🧡🛒 以上攝於荃灣海之戀分店｡ #Donki Donki#急凍糭#端午節{{hket:campaign display="eattofit"}}{{/hket:campaign}}
閱讀更多
-
節日限定
灣仔道69號
真空包裝粽子，乾淨衛生，
端午節的應節美食，種類繁多，最受歡迎的一定粽子，口感較軟綿黏糯和濃郁。 粽子因應不同地區的口味，加入干貝、瑤柱或鮑魚等名貴饀料，盡顯誠意與氣派，適合送禮。此外，有些粽子採用真空包裝，乾淨衛生，品質保證期延長，讓我們有充裕時間品嚐到齒頰留香和回味無窮的粽子。 {{hket:campaign display="粽之好食"}}{{/hket:campaign}}#端午節#端午節粽子#端午糉#端午節快樂#端午送禮#端午美食#粽子#肉粽
閱讀更多
